بس هي قد جت على لبس العقال؟
كل أبو هالناس عقدتها السنع
ذا زمان الأمس يرجع م المحال
هو تراثٍ بالمتاحف مُجتَمِع
شال ؟غتره ؟ لا !! وعفوا ً ع السؤال
وين دربه يْسير هذا الُمجْتَمَع ؟
قالوا أن الغرب علّمنا الدلال
أو نوى بالشر بشّر من تبع
وانتشر زينه مع شينه وبال
وكل شين ٍ عندهم هو مُتّبع
شوف كيف البنت مربوطه بحبال
من علات الكتف والبطن أنقشع
وشوفهن صارن بعضهن كالرجال
والرجل أنثى بلينه مضطلع
رصصوهن والعبي صارن هبال
جنّحوهن (وطوطوهن) بالدلع
شي ٍ مخصّر وله فتحه وشال
وشي ٍ مقصّر وسهل ٍ ممتنع
لي اقبلن لاشي حيا لاشي خيال
كلمتين و (COOL ) والحرف انبلع
والشعر تركيب فوق الراس مال
مايلٍ كالبُخت يخفين الصلع
اصطناعي هالحلا وفيه الضلال
قصدهن من شافهن يشكي الصَرع
إن بغيت وصالهن قالن تعال
يا قواة الوجه يا ستر ٍ طلع
وإن ذكرت الدين ردّن لك: (حلال)
حرّمته سلومكم ..قوم (انجلع)
المصايب زادت وضاق المجال
أرحموا هالبنت قدر المُستطَع
التحضر بالتحرر من خلال ..
زي ٍ معرّى ولا به مُتّسع
الله الله بالفواكه والجمال
برتقال وتين ناعم مُصطنع
والدّفع للفعل لأجل الإمتثال
حظ ذنب اللي تجرأ أو دفع
مادرن أن الولع بالإعتدال
وكل ٍ طير ف السما طار ووقع
البقا لله والدنيا بزوال
والنصيحه للذي هو يقتنع
هاجسي قم هِبّ عجّل بالمثال
واشرح إمّا صار في هذا الوضع
حالنا يا ناس يا هو حال حال
الشجر من يِبْس من جذره انقطع
والحيا ما صار ياتينا وذال
عننا من كثر ما المنكر سجع
دربنا تغيّر جنوب ٍ مع ْ شمال
والغريب بدارنا لمّ وشبع
شرّغوه وكان في داره (. . . .)
(مدّروه) وقالوا أنّه مطّلع
النصب والكذب شرعٍ ٍ واحتيال
خبرة ٍ فيها بدع فيها برع
هو خبير وخبرته (كيما) و(دال)
واستوى ضبع ْوتضبّع ع السبع
زحمة ٍ يا ناس فوق الاحتمال
من كثرهم موت والمنظر بشع
ضغط . ! سكّّر.! طيش وأنواع الخبال
حدٍّ يساير وحدٍّ مندفع
كلٍٍّ تأخر مهدد بانفصال
من دوامه لو تأخر مُنخلع
والإقامه باليواني هي تشال
بس تدفع والطلب ختمه طُبِع
جون . كوتي . ورام . معْ سالي ودلال
رمز للتوطين والاحصا ابْتُدِع
وغير كل من جا ترى غصباً وجال
وارتفع سوقه إذاالسّهم ارتفع
بعض منّا صار تكميلي بكمال
(طير برزه) وإن تكلّم ما سُمِع
أو تفق تخشر عيار ٍ ما ينال
بس صوت ٍ وإن حقنته ما نقع . !




خالد بن علي الكعبي

مشكور ع القصيدة

اللي تحكي عن واقعنا

تسلم على القصيده ..

تقبل مرووري

شال ؟غتره ؟ لا !! وعفوا ً ع السؤال
وين دربه يْسير هذا الُمجْتَمَع ؟
قالوا أن الغرب علّمنا الدلال



<<والله مررره شي

يعطيك العافيه اخوي لطف .. ما قصرت